A futura estación do AVE

Cando en 1952 se inaugurou a estación do ferrocarril de Ourense-Empalme as cousas eran moi distintas das de agora. A poboación non opinaba e, aínda que así fose, todos haberían dado por bo o emprazamento da estación. Viña quedando nun extremo da cidade y só quedaban fóra, e dicir, por detrás dela, uns cantos núcleos periféricos. Agora é distinto. A cidade medrou e todo o redor de dita estación está ocupado por zona urbana. Por iso, neste momento, cando se conta coa chegada do ave e a reestruturación de

A primeira solución pasa por derrubar este entrañable edificio. A segunda, respétao.
todas as instalacións é o momento de corrixir os imprevistos do pasado. Ourense, e A Ponte, non poden ter aí ese encordio cortando rúas, impedindo o paso, coutando a convivencia. Ata aquí todos de acordo. O malo é cando se propoñen as solucións que habían de solucionar o problema.

Hai basicamente dúas opinións ou propostas para “esconder” esas vías: unha, cubrilas; outra, soterralas. E dicir, no primeiro caso facer un gran caixón que tape o que hai buscándolle algunha utilidade á parte superior dese caixón. E, no segundo caso, enterrar todo debaixo da chaira actual das vías e deixar esta chaira limpa para facer nela estradas, rúas e paseos, xardíns, prazas, ¡o que se queira!
Habería, por exemplo, a posibilidade de prolongar (e unir) todas e cada unha das rúas que hoxe "morren" no eixo Av. de Marín - Gómez Franqueira, por un lado, e na rúa Río Arnoya, por outro. Completaríase un entramado de rúas que hoxe está chafado e que co cubrimento tampouco se podería facer.

A primeira solución é o proxecto do Concello e do Ministerio de Fomento. A segunda é unha iniciativa da CEO, da Cámara de Comercio, asociacións veciñais e outros organismoS. É tamén a alternativa que mellor ve a Xunta de Galicia.

A solución do Concello non está mal. Sobre todo se se compara co que hai. Non hai dúbida que sería un parche para a actual desfeita. Pero... non queremos parches. Quédanse á metade do camiño. Non é a solución ideal nin a que resolva o problema para sempre. Se se leva a cabo lamentaremos toda a vida que non se tivera máis arranque e máis decisión. Incluso os que hoxe a defenden acabarían recoñecendo non ter estado a altura das circunstancias, pero, entón, xa sería tarde. Se non se aproveita a oportunidade deste momento haberá que dicir (aproveitando a metáfora) que “perdemos o tren”.

Se se cubren as vías, aquí na rúa Río Arnoya ¿que vai haber? ¿Outro lateral do "caixón"?
Se algunha persoa non o ten aínda claro propóñolle un exercicio de imaxinación: vaia paseando pola avenida de Marín. Desde alí pode ver a propia avenida coas súas edificacións, un murete (con reixas) que separa da estación, detrás deste murete toda a explanada das vías e uns metros máis elevados a ponte da avenida de Santiago que pasa por encima. Por ben, agora imaxine as dúas solucións:

1.- Onde está ese murete habería un muro (sexa muro cego ou con usos, iso tanto ten) e na cima dese muro unha plataforma unida á ponte da avenida de Santiago.

2.- O murete desaparece e as vías tamén (porque pasan a ir por debaixo). Queda toda a extensión que hoxe se pode ver exactamente igual pero sen vías. ¿Pódelo imaxinar?

É certo que a segunda solución é máis custosa. Máis que nada porque esta actuación abarcaría máis espazo que o exclusivo da estación xa que, 2 ou 3 Kms. antes e despois, habería que ir afondando progresivamente as vías para abaixalas á cota adecuada. Pero ese custe hai que valoralo en termos de futuro. ¿Paga a pena? Eu coido que si, sen lugar a dúbidas. (Aparte diso hai que considerar que tanta superficie liberada pode axudar a financiar a obra.)

Toda esta superficie debería seguir aí pero sen vias, nin trenes, nin infraestructuras, que estarían debaixo, como nas cidades modernas. (Amplía as fotos para que che "se faga a boca auga" vendo parte do espazo que se podía liberalizar.)

Así poderia quedar a estación se se acepta a proposta dos empresarios. (Fai clic para ampliar, como nas demais fotos) Imaxina que se suprime ese muro e todo o que hai detrás queda expedito ata a rúa Alejandro Pedrosa.

Non é este o lugar de aportar detalles. Para elo pódense ver os dous vídeos que reproduzo a continuación, un do Concello e outro da Cámara⁽¹⁾, así coma enlace a informacións de La Región e La Voz de Galicia.
(1).- ¡Atención! ¡Ollo! Empezan dicindo as mesmas frases e pregoan as mesmas proclamas, pero logo os compromisos son totalmente distintos.

O soterramento permitiría recuperar vellas rúas, hoxe tronzadas, e abrir varias novas comunicadas entre si. Ver


Toda esta superficie debería seguir aí pero sen vias, nin trenes, nin infraestructuras, que estarían debaixo, como nas cidades modernas. (Amplía as fotos para que che "se faga a boca auga" vendo parte do espazo que se podía liberalizar.)


Así poderia quedar a estación se se acepta a proposta dos empresarios. (Fai clic para ampliar, como nas demais fotos)	Imaxina que se suprime ese muro e todo o que hai detrás queda expedito ata a rúa Alejandro Pedrosa.