A palabra Burga deriva do baixo latín "burca", que significa pía. En Ourense hai 3 Burgas case xuntas na ladeira de Montealegre (cerca do río Barbaña) e, na marxe dereita do río Miño, no antiguo Concello de Canedo, hai tamén, aparte de outros mananciais de auga quente, os coñecidos como Burgas de Canedo e Burgas das Caldas.

As tres de Ourense son augas con distintos minerais, cun caudal aproximado de 300 litros por minuto e unha temperatura entre 64 e 68ºC.

Parece que está fóra de toda duda que foron a orixe da cidade e que xa na época castrexa podería ser un lugar de tipo máxico-relixioso o cal (esta é a opinión de López Cuevillas) recibiría a peregrinaxe dos poboadores dos castros cercanos o que xa propiciaría algún tipo de asentamento fixo, asentamento e mananciales que serían revitalizados polos romanos.

Según Ferro Couselo o nome dese primitivo lugar faría referencia ó castro importante máis cercano, que daquelas era o de Oira.

Actualmente as tres fontes presentan o seguinte aspecto: a Burga de Arriba (a de arquitectura máis antigua) correspóndese cun estilo popular do século XVII; a Burga do Medio, totalmente reformada é recente e de estilo moderno e a Burga de Abaixo (a máis coñecida na propaganda turística) é do século XIX e de estilo neoclásico. No lugar, aparte das fontes, pódense contemplar unhas réplicas en pedra de catro aras romanas achadas na cidade. Unha delas é a ofrenda as ninfas desas augas feita por unha tal Calpurnia Abana, primeiro nome propio que se coñece dun visitante (nativo, quizais) destas fontes.

O grupo foi declarado Conxunto Histórico-Artístico en 1975.