PERFIL.- Tal coma o seu nome indica correspóndese a comarca co último tramo do río Miño. A súa desembocadura na Guarda forma un amplo esteiro compartido con Portugal. Na costa o monte de Santa Tegra domina parte da comarca e no interior, cara o norte, sobresaen as Serras de Groba e Galiñeiro.
A posición e topografía da comaca propician un clima local de tipo subtropical que favorece cultivos hortícolas, frutais (mirabeis ou kiwis, por exemplo), vinícolas (é famoso o viño do Rosal), florais, etc.
O leste da comarca (concellos de Oia, O Rosal e A Guarda) ábrese ao Atlántico, nun litoral rectilíneo distinto do do resto de Galicia. No interior (concellos de Tomiño e Tui) abondan os abrigados vales dos moitos regatos que baixan na busca do río Miño.
No conxunto da comarca atópanse 16 praias, das cales somente 4 (1 no Rosal e 3 na Guarda) son de mar aberto. As outras 12 sitúanse ou ben en puntos da desembocadura do Miño ou ben repartidas río arriba, ata Tui.
No recuncho máis ao suroeste, dominando a Vila da Guarda, o monte de Santa Tegra aporta un testemuño do remoto pasado: unha acrópole da cultura castrexa, un poboado celta reconstruído. Río arriba, a cidade de Tui tamén lembra tempos (estes medievais) nos que o inimigo estaba no outra beira do río como o proba a súa catedral con formas de fortaleza. Tui, capital da comarca, é unha das cidades históricas de Galicia (foi a capital dunha das sete provincias de Galicia até 1833), sé episcopal, tradicional paso fronteirizo e principal centro comercial da comarca.
No eido económico destacan a produción pesqueira da Guarda (coa frota palangreira adicada ao peixe espada) e os viños do Rosal incluídos na denominación de Orixe Rías Baixas como unha sub-zona. Hai un Parque Empresarial no Sobral, Concello de Tomiño, e catro Polígonos Industriais no de Tui (Areas, Ribadelouro e A Gándara e Os Viveiros en Guillarei).

DATOS MACROECONÓMICOS (2.018).- O PIB da comarca deste ano foi de 753.937 miles de €, o que supón 14.765 € por habitante. O sector considerado coma prioriario nese ano foi o de "Industrias extractivas e fabricación de outros produtos minerais non metálicos" que representou o 1,30 % do total comarcal.
Ver Cadro comparativo do número de empresas

MONUMENTOS.-
A Guarda: Castro, Museo Promonte, Ermida e Ruinas Arqueolóxicas de Santa Tregra ^(BIC); Castelo de Santa Cruz (S. XVII)^(BIC); Grabado Rupestre ^(BIC);Torre do Reloxo (defensiva medieval); Palacio dos Condes de Priego; Convento de San Bieito (hoxe hotel monumento).
O Rosal: Muiños do Folón^(BIC) (36) e do Picón^(BIC) (31), na parroquia de Santa Mariña.
Oia: Petróglifos (en 5 lugares) ^(BIC's); Mosteiro de Santa María A Real (mosteiro defensivo da Idade Media, fachada barroca)^(BIC); Castelo de Torroña ^(BIC).
Tomiño: Castelo de Tebra ^(BIC); Grabado Rupestre en San Cristobal de Goián ^(BIC's); Castelo de Concepción (Goian) ^(BIC); Igrexa de Santa María de Tomiño,románica, s. XII; Santuario de San Campio de Lonxe (s. XIX). .
Tui: Conxunto Histórico da Cidade de Tui ^(BIC); Petróglifos Rozacus ^(BIC); Catedral de Santa María (desde 1120, románico e gótico primitivo, aspecto de fortaleza)^(BIC); Convento de Santo Domingo ^(BIC); Fortaleza do Monte Aloia ^(BIC); Igrexa de San Telmo (estilo barroco portugués); Ponte internacional (s. CXICX); Balneario de Caldelas de Tui.