canedo.eu
É unha das 3 comarcas pontevedresas que lindan con Portugal. Ao leste ten A Paradante e ao Norte e ao oeste, a Comarca de Vigo. (Polo sur ten un tramo moi pequeno que linda co Baixo Miño.)
Concellos | Superficie (KM2) | Habitantes (2019) | Habitantes (2021) | Nº de Parroquias |
---|---|---|---|---|
Mondariz | 85,10 | 4.410 | 4.394 | 12 |
Mondariz-Balneario | 2,31 | 637 | 675 | 1 |
As Neves | 65,50 | 3.803 | 3.770 | 13 |
Ponteareas | 125,60 | 22.940 | 22.942 | 24 |
Salvaterra de Miño | 62,50 | 9.990 | 10.048 | 17 |
  TOTAIS | 341,01 | 41.780 | 41.829 | 67 |
XENTILICIOS DOS CONCELLOS: Mondarizán/mondarizá, mondaricense; troncosiño/troncosiña, mondaricense; nevés/nevesa, nevense; ponteareán/ponteareá; salvaterrán/salvaterrá, salvaterrense
.PERFIL.- Esta comarca correspóndese co histórico Condado de Tea, territorio natural do val dese río. O Tea procede do Faro de Avión (na provincia de Ourense) e baixa cara o Miño (que circunda dous dos concellos da comarca), primeiro por pronunciados declives e logo por unha fértil chaira na que abondan os viñedos e onde está asentada Ponteareas, a capital e centro económico da comarca. Eses viños teñen unha festa de exaltación, “A Festa do Viño do Condado do Tea”, que se celebra en Salvaterra en Agosto.
Ponteareas é coñecida internacionalmente polas alfombras florais das rúas na festividade do Corpus Christi.
Nesta comarca radica o Concello máis pequeno de toda Galicia, o de Mondariz-Balneario, de 2,31 Km2, froito dunha escisión do de Mondariz. Nel estableceuse o maior complexo hoteleiro da Comunidade con hoteis, balnearios, instalacións varias, campo de golf, Centro de Congresos, restaurantes, etc.
En Vilasobroso (Mondariz) o castelo de Sobroso, lembrando poderes doutras épocas, vela pola comarca desde a súa altura ollando varios quilómetros ata a fronteira con Portugal.
Hai un Polígono Industrial en Ponteareas (A Lomba), outro en Salvaterra (Chán da Ponte) e ocupando terreos de As Neves e Salvaterra sitúase a Plataforma Loxística PLISAN dependente do porto de Vigo.
Lugar celebración | Días de cada mes |
---|---|
Mondariz | 12 e último domingo |
As Neves | os venres |
Salvaterra do Miño | 5 e 18 |
Ponteareas | 14 e último sábado |
DATOS MACROECONÓMICOS (2.018).- O PIB da comarca deste ano foi de 562.256 miles de €, o que supón 13.138 € por habitante. O sector considerado coma prioriario nese ano foi o da "Industria agroalimentaria" que representou o 3,80 % do total comarcal.
Ver Cadro comparativo do número de empresas
MONUMENTOS.-
Mondariz: Castelo de Sobroso (S. XII); Dólmenes de Campo do Mouro (en Mouriscados); Igrexa de Santa Baia, orixe barroca e reformas neoclásicas; Igrexa de San Fiz de Lougares, barroco rural; Ponte de Cernadela, sobre o Tea, de orixe romana con modificacións dos ss. XV, XVII e XVIII.
Mondariz-Balneario: Gran Hotel do Balneario,
Pazo da Auga, Fonte de Gándara e Fonte de Troncoso.
As Neves: Petróglifos (7)(BIC's); Torre de Sequeiros (BIC); Ponte de As Puntaleiras (medieval, sobre o río Termes); Igrexa de San Xoán de Rubiós, barroca.
Ponteareas: Petróglifos (2)(BIC's); Castro de Troña(BIC); Mosteiro de San Diego de Canedo (estilo barroco, S. XV, en activo -franciscanos-); Igrexa de San Pedro de Angoares (románico S. XII reformado); Igrexa de San Salvador de Padróns, de orixe románica con reformas barrocas; Igrexa do Doce Nome de Xesús, barroca, s. XVIII (no castro de Troña); Igrexa de San Xulián de Guláns, neoclásica de 1840.
Salvaterra de Miño: Castelo de Santiago de Aitona (BIC); Castelo medieval do Conde (BIC); Igrexa de San Xoán de Fornelos, barroca; Capela da Asunción de Monte Castelo, costruída debaixo dun gran penedo.
Corpus Christi en Ponteareas. Alfombras florais. [FITI] | Festa do Requeixo e do Mel. As Neves (venres santo) [FIT] |
Romaría de Santa Marta de Ribarteme. As Neves (29/7) [FIT] | Festa do Viño do Condado do Tea. Salvaterra de Miño (final de agosto) [FIT] |
Entroido, en Salvaterra de Miño |
WEBS ALLEAS:
Concello de Mondariz Concello de Mondariz-Balneario Concello de As Neves Concello de Ponteareas Concello de Salvaterra de Miño