PERFIL.- O Salnés é a comarca do val do Umia, que percorre una depresión tectónica, enmarcada entre a beira sur da ría de Arousa e a beira norte da ría de Pontevedra, e cunha prolongación costeira rematada polo tómbolo da Lanzada e a península do Grove.
A maioría das comarcas están estruturadas en base a una vila (ou cidade) da que depende todo un territorio circundante; pero no caso do Salnés, aínda tendo una capital –que á vez é o maior referente comercial-, Vilagarcía, os centros neurálxicos están repartidos entre varias vilas. Así hai unha (Cambados) de tipo histórico e monumental; outra O Grove, pesqueira e turística e outra, Sanxenxo, totalmente turística. Coma eco desta distribución temos que nos concellos marítimos, con múltiple portos, os que destacan son o comercial de Vilagarcia, os dous pesqueiros de O Grove (O Grove e Meloxo) e os deportivos de Sanxenxo e Portonovo. Outra peculiaridade desta comarca é que os concellos máis meridionais están no aspecto socio-económico fortemente vencellados á capital Pontevedra.
A comarca conta cos seguintes Polígonos Industriais: Bamio, O Pousadoiro e Trabanca Badiña, en Vilagarcía; Baión, en Vilanova; o chamado do Salnés, entre Cambados e Ribadumia; o de Nantes, en Sanxenxo; os de A Cova e Vilanoviña, en Meis e o da Pedreira en Meaño.
É unha comarca rica en areais, máximo reclamo no verán, repartido entre as 29 praias de Sanxenxo [cuxa situación no mapa se pode ver aquí], as 51 de O Grove (no que se inclúe a Illa da Toxa; [Ver outro Mapa], as 17 de Cambados, as 20 de Vilanova de Arousa, as 8 de Vilagarcía de Arousa e as 63 da Illa de Arousa. Fan un total de 188 na comarca.
No interior da ría de Arousa, fronte á desembocadura do Ulla e pertencendo ao Concello de Vilagarcía, atópase o arquipélago de Cortegada, integrante do Parque Nacional das Illas Atlánticas. (Tamén nesa mesma ría está o arquipélago de Sálvora, pero este é da provincia da Coruña, concretamente do concello de Ribeira.)

DATOS MACROECONÓMICOS (2.018).- O PIB da comarca deste ano acadou a cantidade de 2.034.211 miles de €, o que supón 18.563 € por habitante. O sector considerado coma prioriario nese ano foi o da "Industria agroalimentaria" que representou un 5,20% do total comarcal.
Ver Cadro comparativo do número de empresas

MONUMENTOS.-
Cambados: Conxunto Histórico de Cambados; Ruinas da Igrexa Oxival de Santa Mariña Dozo; Torre de San Sadurniño; e o Pazo de Fefiñáns (coa ptaza, a atalaia Torre de Homenaxe, o arco-ponte e a igrexa de San Bieiio). Todo isto son BIC's. Ademais hai que reseñar a igrexa de San Francisco, o Pazo de Montesacro (no barrio mariñeiro), os Pazos de Bazán, Quintáns e dos Maza
O Grove: Torre de Escuredo -BIC-; Necrópolis de Adro Vello, xacemento con restos dos séculos III ata o VII.
Meis: Petróglifo da Armenteira e Mosteiro de Santa María de Armenteira (románico), ambos BIC's.
Meaño: Igrexas románicas de San Xoán de Meaño e Santa María de Simes; Pazos de Lis e de Zárate.
Meis: Igresia de San Salvador, románica en orixe e reconstrución barroca; Capela de San Antonio Abade, ermida rústica cerca do mosteiro da Armenteira.; Igrexa románica de Santa María do Mosteiro.
Ribadumia: Igrexa de Santa Baia, mestura de barroco e renacemento.
Sanxenxo: BIC's Torre da Lanzada e Pazo de Quintáns (Noalla). Ademais: Igrexas de San Pedro de Bordons (s.XVII), Santa María de Adina (románico do 1170), San Xinés de Padriñán (románica, no propio Sanxenxo) e ermida de Nosa Señora da Lanzada.
Vilagarcía de Arousa: Conta cos seguintes BIC's: Pazo de Vista Alegre (s. XV); Pazo do Rial (Vilaxoán) e Petróglifos (en 2 sitios). A maiores hai que ver tamén o Pazo de Rubiáns (sobre unha torre do s. XV da familia Caamaño cuxo membro D. García foi o fundador da cidade), o Pazo de Sobrán (sobre outra torre medieval de s. XV) e as igrexas de Santiago de Carril (s. XVII, con elementos renacentistas e barrocos), Santa Baia de Arealonga (barroca do s. XVII) e San Martiño de Sobrán (románica do s. XII, anexa ao Pazo do Lagar que antes fora mosteiro).
Vilanova de Arousa: Petróglifos Monte Lobeira; Pazo de Rua Nova (András); Pazo do Cuadrante; Torre de Miranda (Caleiro). Todos BIC.