canedo.eu
Esta comarca correspóndese co península do seu mesmo nome cuio istmo está na comarca de Pontevedra. Polo Norte ten a ría de Pontevedra, polo Sur a de Vigo e polo Oeste, mar aberto. É a comarca máis pequena de Galicia.
Concellos | Superficie (KM2) | Habitantes (2019) | Habitantes (2021) | Nº de Parroquias |
---|---|---|---|---|
Bueu | 30,80 | 11.950 | 11.987 | 6 |
Cangas | 38,10 | 26.582 | 26.708 | 5 |
Marín | 36,70 | 24.242 | 24.248 | 7 |
Moaña | 35,10 | 19.452 | 19.496 | 5 |
  TOTAIS | 140,10 | 82.226 | 82.439 | 23 |
XENTILICIOS DA COMARCA E DOS CONCELLOS:
Morraceiro/morraceira, morracense;
Bueués/bueuesa; cangueiro/cangueira, cangués/canguesa; marinense; moañés/moañesa.
PERFIL.- Esta comarca a pesar de ser a menos extensa de Galicia está densamente poboada rondando (segundo o ano) os 600 habitantes por Km2. No seu eixo central sobresaen os montes de Domaio desde onde se poden contemplar preciosas perspectivas e onde radican grandes áreas de lecer.
O carácter da organización comarcal é moi xenuíno, distinto do da maioría das comarcas. Por un lado son varias as vilas que destacan (cada unha nun eido) e, ao mesmo tempo, é moi notable a influenza e dependencia das dúas cidades, ambas moi acercadas.
Marín, ao lado de Pontevedra, destaca polo seu porto e a Escola Naval. Bueu, na ría de Pontevedra igual ca a anterior, ten tamén unha forte relación con Pontevedra. Cangas e Moaña, con portos pesqueiros e unha certa industria, estando fronte a Vigo están moi conectadas con esa cidade.
O arquipélago de Ons (illas Ons e Onza), presente na bocana da ría de Pontevedra, forma parte do Parque Natural das Illas Atlánticas. Pertence ao Concello de Bueu.
Os catro concellos son ricos en numerosas e boas praias, pero o de Cangas –dando á ría de Vigo, á ría de Aldán e a o Océano- resulta certamente privilexiado. (Cangas ten 38; Bueu, 34; Marín, 8 e Moaña, 17.)
Bueu conta co Polígono Industrial de Castiñeiras e Cangas co de A Portela.
Lugar celebración | Días de cada mes |
---|---|
Bueu | luns e xoves |
Cangas | martes e venres |
Moaña | 11 e 28 |
Marín | xoves |
DATOS MACROECONÓMICOS (2.018).- O PIB da comarca deste ano foi de 1.319.918 miles de €, o que supón 16.153 € por habitante. O sector considerado coma prioriario nese ano foi o de "Fabricación de material de transporte e grandes reparacións industriais" o cal representou o 4,20 % do total comarcal.
Ver Cadro comparativo do número de empresas
MONUMENTOS.-
Bueu: Igrexa de Santa María de Cela (románica); Pazo de Santa Cruz.
Cangas de Morrazo: Petróglifos (9) (BIC); Castro do Facho de Donón (BIC); Conxunto Monumental de Darbo (formado pola Igrexa de Santa María -barroco S. XVII e XVIII-, fonte barroca e cruceiro); Conxunto Monumental de Hío (composto de a Igrexa de San Andrés, de orixe románica, o famoso e espectacular cruceiro e a casa rectoral); Excolexiata de Santiago de Cangas (S. XVI); Capela do (antigo) Hospital (S. XVIII); Igrexa de San Salvador de Coiro (S. XVII); Igrexa de San Cibrán de Aldán (Século XVI).
Marín: Petróglifos (15) (BIC); Igrexa de Santa María do Campo (románica); Castro de Porteliña.
Moaña: Petróglifos (BIC); Dolmen e mámoa de Chandarquiña; Castro de Montealegre; Torre de Meira; Igrexa de San Martiño (románico S. XII); igrexa de San Xoán de Tirán (románico S. XIII)
Danzas Ancestrais de Darbo (Cangas) (08/09) [FIT] | Danzas Ancestrais de San Roque de Hío (Cangas) (16/08) [FIT] |
Danzas Ancestrais de San Sebastián de Aldán (Cangas) (20/01) [FIT] | Semana Santa de Cangas [FIT] |
Festa do San Martiño de Moaña (novembro) [FIT] | Festa das Alfombras do Corpus, en Bueu [FIT] |
Festa Degustación do Millo Corvo, Bueu (marzo) [FIT] | Festa de San Miguel e Danza das espadas, Marín. [FIT] |
Festa de San Martiño, de Bueu (11/11) | Festival Intercéltico do Morrazo. Moaña |
Festa de San Xulián, de Marín (xaneiro) | Festa da Virxe do Carme, en Marín. (16/7) |
Festa do Remedios, de Marín (setembro) | Festa de San Miguel, en Marín. (29/9) |
WEBS ALLEAS:
Concello de Bueu Concello de Cangas Concello de Moaña Concello do Marín